2008թ-ի մայիսի 6-ին, նախաձեռնող խմբի կողմից հրավիրված Հանրային ցանցի հիմնադիր ժողովում  ՀՀ-ում  գրանցված և գործող մի խումբ ոչ առևտրային կազմակերպությունների, այդ թվում հասարակական կազմակերպությունների, միությունների և հիմնադրամների  ներկայացուցիչներ`

կարևորելով երկրում քաղաքացիական հասարակության կայացման և զարգացման խնդիրը,

նպատակ ունենալով  պետական կառույցների հետ Կազմակերպությունների համագործակցության կայացման միջոցով բարձրացնել որոշումների կայացման գործընթացներում Կազմակերպությունների ներգրավվածության աստիճանը,

համոզված լինելով, որ այդ մասնակցությունը նպաստելու է համազգային կարևորության խնդիրների շուրջ Կազմակերպությունների միասնական դիրքորոշման ձևավորմանը, միասնական ճակատով հանդես գալուն, լոբբինգի իրականացման և հանրային շահերի պաշտպանության հնարավորությունների ընդլայնմանը, ինչն իր հերթին կխթանի պետական կառույցների  օրինաստեղծ գործընթացի արդյունավետությանը, 

համարելով, որ մասնակցային գործընթացի զարգացման ներկա փուլում նպատակահարմար է Կազմակերպությունների համակարգված ցանցային համագործակցությամբ հանդես գալ,

ընդունելով, վերը նշված խնդիրների լուծմանն ուղղված պետական կառույցների հետ ՙՀանրային ցանց՚-ի (ՀՑ) համագործակցության նախաձեռնող խմբի առաջարկը` շահագրգիռ Կազմակերպությունների ցանցի ստեղծման վերաբերյալ,  

ընդունելով  Հանրային ցանցի Համաձայնագրում ամրագրված դրույթները հիմնադրեցին Հանրային ցանցը.

• Հանրային ցանցի նպատակներն ու խնդիրները.

_Նպաստել պետական կառույցներում  օրենքների ընդունման գործընթացում հանրային մասնակցության արդյունավետությանբարձրացմանը` պետական կառույցների  և Կազմակերպությունների միջև կառուցողական համագործակցության մեխանիզմներիձևավորման և ներդրման միջոցով:

_Խթանել Ցանցի անդամ կազմակերպությունների փոխադարձ համագործակցությանը և հաշվետվողականությանը,

_Բացահայտել  և զարգացնել պետական կառույցների  հետ Կազմակերպությունների փոխհամագործակցության եզրերը ուղղված`

ա/.   օրենքների և օրինագծերի հանրային փորձաքննության ապահովմանը,

բ/.    մոնիտորինգի, հարցումների, հետազոտությունների և ուսումնասիրությունների իրականացմանը և պետական կառույցներին տրամադրմանը,

գ /.   պետական կառույցների  հանրային լսումների, ընդունելությունների,  նամակների և տեղեկատվական  ինստիտուտների գործարկմանը,

դ/.    Կազմակերպություններից պետական կառույցներին  ներկայացված տեղեկատվության մատչելիության ապահովմանը,

ե/.    օրենքների կիրառման նկատմամբ հանրային վերահսկողության և ազդեցության գնահատման գործընթացներին:

• Հանրային ցանցի կառուցվածքը.

_ՀՑ-ի բարձրագույն մարնինը Ընդհանուր ժողովն է.

_Ընդհանուր ժողովների միջև ընկած ժամանակահատվածում աշխատանքները վարում է Համակարգող խորհուրդը (ՀԽ),

_Համակարգող խորհրդի աշխատանքները համակարգում և հանրային ցանցի անունից հանդես է գալիս Քարտուղարը.

_Հանձնախմբերը` Ազգային Ժողովի մշտական հանձնաժողովների թվին և ոլորտներին համապատասխան,  որոնց աշխատանքները համակարգվում են իրենց կազմից ընտրված պատասխանատուների կողմից .

• Անդամակցումը Հանրային ցանցին.

 ՀՑ-ին կարող են անդամակցել ՀՀ-ում գրանցված բոլոր այն Կազմակերպությունները, որոնք ընդունում են ՀՑ-ի նպատակներն ու խնդիրները  պատրաստ են մասնակցել նրա գործունեությանը.

Հանրային ցանցի համակարգող քարտուղար՝ Թամարա Աբրահամյան

Հանրային ցանցի կոնտակտները՝

Հեռախոս՝ 

     գրասենյակ՝ 22-29-68

     համակարգող՝ 227-097 077-69-04-67

Էլ. փոստ՝

Վեբ կայք` hanraincanc.ucoz.org