|
ՆՈՐՈՒԹՅՈՒՆՆԵՐ » 2010 » ՄԱՅԻՍ » 1 » Լոռի. Հայտնաբերվել են չարաշահումներ դպրոցի հիմնանորոգման աշխատանքներում
13:35 Լոռի. Հայտնաբերվել են չարաշահումներ դպրոցի հիմնանորոգման աշխատանքներում |
Լոռի. Հայտնաբերվել են չարաշահումներ դպրոցի հիմնանորոգման աշխատանքներում
Լոռու մարզի դատախազությունում հարուցվել է քրեական գործ` Հարթագյուղի
դպրոցի հիմնանորոգման աշխատանքների ընթացքում հայտնաբերված չարաշահումների
դեպքի առթիվ:
Պետական շահերի պաշտպանության
նկատառումներով նախապատրաստված նյութերով պարզվել է, որ Վանաձորի «Ֆիրմա
ԱՌ-Շին» ՍՊ ընկերությունը 2009թ. շահել է «Պետական գնումների
գործակալություն» ՊՈԱԿ- ի հայտարարած մրցույթը եւ պարտավորվել
իրականացնել Լոռու մարզի Հարթագյուղ համայնքի դպրոցի հիմնանորոգման
աշխատանքները՝ պետական բյուջեի 42 705 800 դրամ նախահաշվային գումարով:
Սակայն ՍՊ ընկերության տնօրենը կազմել է իրականում կատարված աշխատանքների
ծավալները գերազանցող ու փաստացի չկատարված աշխատանքների վերաբերյալ կեղծ
կատարողական ակտեր եւ ներկայացրել աշխատանքների նկատմամբ տեխնիկական
հսկողություն իրականացնող «Արստա-իմպեքս» ՍՊ ընկերության տնօրենին:
Վերջինիս կողմից այդ կեղծ կատարողական ակտերը հաստատվելուց հետո նա դրանք
ներակայցրել է վճարման:
Աշխատանքների կատարման ընթացքի,
ծավալների եւ որակի համար պատասխանատու պաշտոնատար անձինք առանց ստուգելու
աշխատանքների պատշաճ կատարված լինելը հաստատել են հիշյալ կեղծ կատարողական
ակտերը, որի հիման վրա հափշտակվել է 1 667 600 ՀՀ դրամ:
Լոռու մարզի դատախազի որոշմամբ` դեպքի առթիվ հարուցվել է քրեական գործ` ՀՀ
քրեական օրենսգրքի 308-րդ հոդվածի 1-ին մասով եւ 179-րդ հոդվածի 2-րդ մասի
3-րդ կետով: Քրեական գործն ուղարկվել է ոստիկանության` Լոռու մարզի
քննչական բաժին` նախաքննություն կատարելու համար:
Նյութը վերցված է ՀՀ Դատախազության կայքից` www.genproc.am/am/193/item/6215/
|
|
Դիտարկում: 1010 |
Ավելացրել է: ADMIN
|
| Բոլոր հաղորդագրությունները: 0 | |
|
|
|
|
Հաղորդագրություններ ավելացնել կարող են միայն կայքում գրանցված անձիք. [ Գրանցում | Մուտք ] |
|
